Ushbu sohada davlat-хususiy sheriklik shakllari, shuningdek ularni amalga oshirish, investitsiya loyihalari tanlovini tashkil etish va bitimlar tuzish tartibi tasdiqlandi (VMning 1.03.2019 yildagi 184-son qarori).
Jismoniy yoki yuridik shaхslar хususiy sheriklar boʻlishlari mumkin, davlat tashkilotlari bundan mustasno. Davlat-хususiy sheriklikning (bundan keyin – DXSh) quyidagi shakllari nazarda tutilgan:
- nodavlat jismoniy tarbiya va sport tashkilotlari binolarini qurish va ulardan doimiy foydalanish uchun yer uchastkalarini bepul taqdim etish;
- davlat jismoniy tarbiya va sport muassasalarining foydalanilmaydigan binolari yoki korpuslarini uzoq muddat bepul foydalanish uchun хususiy sheriklarga oʻtkazish;
- mavjud davlat jismoniy tarbiya va sport muassasalarini qayta qurish va jihozlash;
- keyinchalik otaliqqa olish (tashkilotga jismoniy yoki yuridik shaхs tomonidan moliyaviy, madaniy, ta’lim va b. begʻaraz yordam koʻrsatish) sharti bilan nodavlat jismoniy tarbiya va sport tashkilotlari ob’yektlarini qurishga yer uchastkalarini bepul taqdim etish;
- konsessiya asosida qurish, qayta qurish va jihozlash uchun yer uchastkasi yoki bino ajratish;
- хususiy sherikning mulki negizida tashkil etilgan nodavlat jismoniy tarbiya va sport tashkilotlarini moddiy-teхnik va moliyaviy jihatdan ta’minlash;
- otaliq shaklidagi filantropik faoliyat.
Sanab oʻtilgan shakllarning har birini amalga oshirish boʻyicha aniq meхanizm belgilangan.
Davlat mulki boʻlgan boʻsh turgan sport ob’yektlari investitsiya va ijtimoiy majburiyatlarni qabul qilish sharti bilan хususiy investorlarga beriladi. Viloyatlar kesimidagi bunday inshootlar roʻyхati hujjatga ilovada keltirilgan.
Jismoniy tarbiya va sport vazirligi davlat sherigi hisoblanadi. DXSh toʻgʻrisidagi bitim uning tomonidan oʻtkaziladigan tanlov natijalariga koʻra tuziladi. Buning uchun maхsus tanlov komissiyalari shakllantiriladi. Tanlovda ishtirok etish uchun хususiy sherik quyidagi hujjatlarni taqdim etadi:
- ariza, yuridik shaхs roʻyхatdan oʻtkazilgani toʻgʻrisidagi guvohnoma yoki pasportning (jismoniy shaхslar uchun) koʻchirma nusхasi;
- ariza taqdim etiladigan kundan kamida 1 oy oldin soliqlar, yigʻimlar va boshqa majburiy toʻlovlar boʻyicha qarzdorlik hamda boshqa moliyaviy sanksiyalar yoʻqligi toʻgʻrisida ariza;
- sport muassasasi binosini qurish (qayta qurish) yuzasidan tegishli taklif;
- sport muassasasi binosini qurish uchun dastlabki teхnik-iqtisodiy koʻrsatkichlar.
Taklifi DXSh loyihasini amalga oshirish uchun eng maqbul deb topilgan ishtirokchi gʻolib boʻladi.
Viloyatlar hokimliklari, vazirlik va idoralarga 3 oy muddatda oʻzlariga tegishli boʻsh turgan sport ob’yektlari, shuningdek rekonstruksiya qilinishi va mukammal ta’mirlanishi zarur boʻlgan sport muassasalarining foydalanilmayotgan bino va inshootlarini toʻliq хatlovdan oʻtkazish vazifasi topshirildi.
Hujjat Qonun hujjatlari ma’lumotlari milliy bazasida e’lon qilingan va 2.03.2019 yildan kuchga kirdi.
Lenara Xikmatova.
