Davlatimiz хalqaro tusga ega boʻlgan uchta hujjatga qoʻshildi.
Bunda quyidagilar haqida soʻz bormoqda:
- Fonogramma tayyorlovchilarning manfaatlarini ularning fonogrammalari noqonuniy takrorlanishidan muhofaza qilish toʻgʻrisidagi Konvensiya (Jeneva, 1971 yil 29 oktyabr) – 26.12.2018 yildagi OʻRQ–511-son Qonunga muvofiq (27.12.2018 yildan kuchga kirdi);
- Butunjahon intellektual mulk tashkilotining ijrolar va fonogrammalar boʻyicha shartnomasi (Jeneva, 1996 yil 20 dekabr) – 16.02.2019 yildagi OʻRQ–519-son Qonunga muvofiq (19.02.2019 yildan kuchga kirdi);
- Butunjahon intellektual mulk tashkilotining mualliflik huquqi boʻyicha shartnomasi (Jeneva, 1996 yil 20 dekabr) – 16.02.2019 yildagi OʻRQ–520-son Qonunga muvofiq (19.02.2019 yildan kuchga kirdi).
Ma’lumot uchun: Oʻzbekistonda umume’tirof etilgan хalqaro huquq normalari ustuvor sanaladi. Ushbu normalar davlat miqyosida toʻlaqonli amalga oshirilishi uchun aksariyat qoidalar milliy qonunchilikka implementatsiya qilinadi. Huquqiy konstruksiyalarning normal ishlashi, shu jumladan ularni buzganlik uchun sanksiyalar qoʻllash bilan ta’minlanadi. Xususan, mamlakatimizda mualliflik yoki iхtirochilik huquqlarining buzilishi qonun bilan ta’qib qilinadi (JKning 149-moddasiga qarang).
Shuni ham eslatib oʻtamizki, davlatimiz rahbari 8 fevraldagi qarori bilan intellektual mulk sohasidagi boshqaruv tizimini isloh qilib, yangi tartibotni joriy etgan. Bu haqda ilgari batafsil yozgan edik.
Hujjatlar rasmiy manbalarda e’lon qilingan va kuchga kirgan.
Oleg Zamanov.
