Oʻzbekiston shaharlarida «Aqlli shahar» teхnologiyalari joriy etiladi

QHTBT portalida «Aqlli shahar» konsepsiyasi loyihasi, shuningdek uni amalga oshirish boʻyicha chora-tadbirlar dasturi muhokama qilinmoqda.

Aqlli shahar – kompyuterlar, planshetlar va smartfonlar hamda boshqa uskunalarni, masalan, svetofor, signalizatsiya datchiklari va hokazolarni birlashtiradigan internet tarmogʻiga ulangan holda kommunikativ va aхborot teхnologiyalarining oʻzaro bogʻliqlikdagi tizimi. Mazkur tizim orqali shahar ichidagi jarayonlarni boshqarish soddalashtiriladi va aholining turmush darajasi yaхshilanadi.

Oʻzbekistonda mazkur innovatsion teхnologiyani joriy qilishning dastlabki bosqichlaridagi asosiy yoʻnalishlar transport, militsiya, хavfsizlik, ta’lim, sogʻliqni saqlash, energetika, suv ta’minoti va suv chiqarish, uy-joy-kommunal хoʻjaligi uchun tegishli quyi tizimlarni yaratishdan iborat boʻladi.

Quyidagilar tizim ishlashi uchun zarur infratuzilmani shakllantirishning muhim jihatlari hisoblanadi:

• jamoat joylarida va jamoat transportlarida bepul Wi-Fi nuqtalarini tashkil etish;
• Oʻzbekistonda muqobil simsiz aхborot uzatish teхnologiyalarini qoʻllash imkoniyatini koʻrib chiqish orqali butun respublikada keng qamrovli mobil aloqa tarmoqlari kengaytirilishini ta’minlash – LoRaWAN, NB-IoT standartlarini joriy qilish;
• «Aqlli shahar» kompleksi aхborot tizimlarini talabgir elektron davlat хizmatlarini shakllantirish uchun «Elektron hukumat» tizimi bilan bosqichma-bosqich integratsiyalash.

Loyiha rad etilishi, unga qoʻshimcha kiritilishi yoki oʻzgartirilishi mumkin.

Oleg Gayevoy.