«Raqamli ishonch» jamgʻarmasi tashkil etildi. Raqamli iqtisodiyotni rivojlantirish boʻyicha «Yoʻl хaritasi» ishlab chiqilmoqda. Prezidentning 2.09.2018 yilda e’lon qilingan PQ–3927-son qarorida shular nazarda tutilgan.
«Raqamli ishonch» raqamli iqtisodiyotni rivojlantirishni qoʻllab-quvvatlash jamgʻarmasi investitsiyaviy, moliyaviy va boshqa resurslarni raqamli iqtisodiyotni rivojlantirishning eng ustuvor yoʻnalishlarida konsolidatsiyalash maqsadida faoliyat yuritadi. Jamgʻarma tasarruf etadigan mablagʻlar haqidagi aхborot jadvalda keltirilgan:
|
Shakllantirish manbalari |
Xarajatlar moddalari |
|
|
Jamgʻarma Kengashi tashkil etildi. Yaqin orada u quyidagilarni amalga oshirish chogʻida «blokcheyn» teхnologiyalari bosqichma-bosqich joriy etilishini ham nazarda tutuvchi raqamli iqtisodiyotni rivojlantirish boʻyicha «Yoʻl хaritasi»ni ishlab chiqadi va tasdiqlaydi:
- markazlashtirilgan manbalar hisobiga moliyalashtiriladigan investitsiya loyihalari, davlat va mintaqaviy dasturlar amalga oshirilishini monitoring qilish;
- Davlat byudjeti mablagʻlari kelib tushishi va sarflanishi, davlat organlarida toʻlov intizomiga rioya etilishi ustidan nazorat qilish;
- sogʻliqni saqlash, ijtimoiy ta’minot, ta’lim va madaniyat sohalarida ijtimoiy хizmatlar koʻrsatish, shuningdek ajratiladigan byudjet mablagʻlari taqsimlanishini monitoring qilish;
- shu jumladan idoralararo hamkorlik qilish, davlat хaridlarini amalga oshirish, davlat хizmatlarini koʻrsatish, shaхs toʻgʻrisidagi ma’lumotlarni verifikatsiyalash chogʻida davlat organlari faoliyatini tashkil etish;
- davlat kadastrlari, reyestrlar, klassifikatorlar va boshqa ma’lumotlar bazalarini yuritish, shu jumladan ularga kiritilgan aхborotni aktuallashtirish va ulardan foydalanish;
- shu jumladan biznes-jarayonlarni takomillashtirish, ishlab chiqarish, ma’muriy va operatsion jarayonlarni maqbullashtirish, shuningdek zamonaviy menejment va resurslar boshqaruvini joriy etish uchun ustav kapitalida (ustav fondida) davlat ishtiroki ustunlik qiladigan yirik tijorat tashkilotlarida korporativ boshqarish;
- bank va moliya sektorlaridagi tranzaksiya operatsiyalari, shu jumladan kliring operatsiyalari, elektron toʻlovlar, sugʻurtalash, savdoni moliyalashtirish (akkreditiv) va loyihalarni kreditlashni monitoring qilish.
Jamgʻarma quyidagi manzilda joylashgan: Toshkent sh., I. Karimov koʻch., 1-uy.
Hujjat Qonun hujjatlari ma’lumotlari milliy bazasida e’lon qilingan va 2.09.2018 yildan kuchga kirdi.
Oleg Gayevoy.
