Мамлакат олий ўқув юртларида контракт пулини тўлаш муддати узайтирилди. Олий ва ўрта махсус таълим вазирлигининг расмий телеграм-каналида шу ҳақда хабар берилади.
Ўзбекистон Республикаси таълим муассасаларига қабул қилиш бўйича Давлат комиссиясининг 17.09.2018 йилдаги 9-сон баённомасига мувофиқ, 2018/2019 ўқув йилида тўлов-контракт асосида бакалавриат ва магистратурага ўқишга қабул қилинган абитуриентлар контракт пули таянч миқдорининг биринчи ярмини қабул қилиш муддати 2018 йил 30 сентябргача узайтирилди.
Эслатиб ўтамиз, Олий ва ўрта махсус, касб-ҳунар таълими муассасаларида ўқитишнинг тўлов-контракт шакли ва ундан тушган маблағларни тақсимлаш тартиби тўғрисидаги низомга мувофиқ, биринчи йил ўқитиш учун белгиланган контракт миқдорининг камида 50%и 15 сентябргача, иккинчи ва ундан кейинги йиллар учун 1 октябргача тўланади.
Республика олий таълим муассасаларидаги жорий йил учун контракт пули миқдорлари – бу ерда.
Худди шу баённома билан зарур миқдордаги балларни тўплай олмаган абитуриентларнинг оширилган ставкада контракт («супер-контракт») пулини тўлашининг чекланган муддати белгиланган. Бу ҳолда бутун сумма бир вақтнинг ўзида тўлиқ тўланади.
.png)
