2uz.png)
Ҳар йилги АКТ ҳафталиги жорий йилда 24-29 сентябрь кунлари ўтказилади. Унинг ташкилотчилари – ICTNEWS Conferences ҳамда Ўзбекистон ахборот технологиялари корхоналари ва ташкилотлари ассоциацияси (Жиззах ш.) – ўтказиладиган тадбирлар дастурини тақдим этдилар.
ICTWEEK O’zbekiston 2018 International Trade Center (ITC)да 24 сентябрь куни ўтказиладиган матбуот анжуманидан бошланади. Унда Ахборот технологиялари ва коммуникацияларини ривожлантириш вазирлиги вакиллари, ташкилотчилар, ҳомийлар ва ҳамкорлар иштирок этадилар. Иштирокчилар АКТ ҳафталиги тадбирлари, дастурлари, спикерлар ва янгиликлар ҳақида сўзлаб берадилар, шунингдек журналистларнинг саволларига жавоб беришади.
ICTEXPO ҳар йилги ахборот-коммуникация технологиялари миллий кўргазмаси 26-28 сентябрь кунлари ўтказилади. Кўргазманинг 3 куни давомида 35 мингдан зиёд ташрифчилар келиши, 100 дан ортиқ кўргазма компаниялари иштирок этиши кутилмоқда. Маҳаллий ва хорижий ташкилотлар иштирок этиш учун таклиф қилинмоқда. Ўтказилиш жойи – Тошкент, «Ўзэкспомарказ» МКК, 1-павильон.
DIGITAL UZBEKISTAN форуми 26 сентябрь куни «Ўзэкспомарказ» МККнинг конференц-залида бўлиб ўтади. Таклиф қилинган иштирокчилар қаторида давлат органлари, АКТ соҳасидаги корхоналар ва ташкилотларнинг раҳбарлари, халқаро экспертлар ва таҳлилчилар, маҳаллий ва хорижий IT-компанияларнинг вакиллари ҳам бор.
Якунловчи тадбир – Мукофотлаш ва ёпилиш маросими 29 сентябрь куни Тошкент шаҳрида ўтказилади.
Жиззах шаҳрида ўтказиладиган минтақавий тадбирлар ҳақида маълумот – бу ерда. ictweek.uz сайтида қўшимча маълумот олиш, аккредитациядан ўтиш ва режалаштирилган тадбирларга рўйхатдан ўтиш мумкин.
