Янги интерактив давлат хизмати туфайли аҳоли ва бизнес вакиллари нотариус қабулига онлайн режимида ёзилишлари мумкин.
Хизматдан бутун Ўзбекистон бўйича жисмоний ва юридик шахслар фойдаланишлари мумкин. Қабулга ёзилиш учун хизмат тури, сана, вақт тўғрисидаги ахборотни ўз ичига оладиган шаклни тўлдириш, шунингдек ташриф буюриш режалаштирилаётган аниқ нотариал идорани кўрсатиш зарур. Ёзиш бепул амалга оширилади.
Буюртмани олгандан кейин нотариал идора ходимлари уни “Нотариал ҳаракатларни амалга ошириш ҳақидаги мурожаатларни навбатма-навбат қайд этиш дафтари”да рўйхатга олишлари керак бўлади. Бу Давлат нотариал идораларида жисмоний ва юридик шахсларнинг мурожаатларини навбатма-навбат қайд этиш тартиби тўғрисидаги низом (АВ томонидан 30.12.2014 йилда 2646-сон билан рўйхатдан ўтказилган) билан кўзда тутилган. Низомга биноан мурожаат қилувчи нотариус томонидан мурожаат келиб тушган кундан кейинги кундан кечиктирмай қабул қилиниши керак.
Белгиланган вақтда нотариус қабулига келмаган мурожаат қилувчи умумий асосларда қабул қилинади ёки қабул қилиш вақти қайтадан тайинланади. Белгиланган вақтдан бошқа шахс фойдасига воз кечиш мумкин эмас.
