Ўзбекистон Республикаси молия вазирининг “Ички аудит тадбирларини ўтказиш қўлланмасини тасдиқлаш тўғрисида”ги буйруғи қабул қилинди (27.12.2022 й., рўйхат рақами 3406)
Ҳужжат вазирлик ва идораларда ички аудит ўтказиш, ички аудит жараёнида ҳужжатларни расмийлаштириш, натижалар бўйича таклиф ва тавсияларни ишлаб чиқиш тартибини белгилайди ва керакли ҳужжатлар шаклларини акс эттиради.
Аудит объекти хавф даражаларини аниқлашда қуйидаги хавф омилларидан фойдаланилади:
- объектнинг йиллик молиялаштириш ҳажми;
- объектга ажратилган маблағларнинг ўзлаштирилиши;
- объектда раҳбарият ва молия-хўжалик тузилмалари ходимларининг қўнимсизлиги;
- объектнинг молиявий фаолиятига оид жисмоний ва юридик шахслар мурожаатлари;
- фаолият юритаётган ходимлар сони;
- ўтган давр мобайнида амалга оширилган транзакциялар сони;
- тузилган шартномалар сони;
- ичида молиявий назорат ва ички аудит тадбири амалга оширилмаган давр;
- дебитор ва кредитор қарздорлик ҳажмининг ўсиши.
Ҳужжат Қонунчилик ҳужжатлари миллий базасида эълон қилинган ва 27.12.2022 йилдан кучга кирди.
Собир Нурбердиев.
