13.06.2017 йилдаги ЎРҚ–436-сон Қонун билан экология ва табиатни муҳофаза қилиш ҳамда табиатдан фойдаланиш соҳасидаги ҳуқуқбузарликлар учун маъмурий жавобгарлик кучайтирилди.
Маъмурий жавобгарлик тўғрисидаги кодексга киритилган тузатишлар билан мазкур категориядаги маъмурий ҳуқуқбузарликларнинг 6 та таркиби бўйича санкциялар оширилди (қуйидаги жадвалга қаранг).
|
Маъмурий жавобгарлик |
Санкция |
|
|
14.06.2017 санагача
|
14.06.2017 санадан |
|
|
Қишлоқ хўжалиги ва бошқа ерларни яроқсиз ҳолга тушириш, уларни ишлаб чиқариш чиқитлари ва бошқа чиқиндилар, кимёвий ва радиоактив моддалар ҳамда оқова сувлар билан ифлослантириш (МЖтК 65-модда 2-қисм) |
фуқароларга ЭКИҲнинг 1-3 бараваригача, мансабдор шахсларга эса — 3-5 бараваригача миқдорда жарима |
фуқароларга ЭКИҲнинг 3-5 бараваригача, мансабдор шахсларга эса — 5-10 бараваригача миқдорда жарима |
|
Сувларни ифлослантириш ёки булғатиш, сувтўплагич иншоотларида сувни муҳофаза қилиш режимини бузиш (МЖтК 72-модда 1-қисм) |
фуқароларга ЭКИҲнинг 1/3-1 бараваригача, мансабдор шахсларга эса — 1-3 бараваригача миқдорда жарима |
фуқароларга ЭКИҲнинг 1-3 бараваригача, мансабдор шахсларга эса — 3-5 бараваригача миқдорда жарима |
|
Корхоналар, коммунал ва бошқа объектларни сувларнинг ифлосланиши ва булғаниши ёки уларнинг зарарли оқибатлари олдини олувчи иншоотлар ва қурилмаларсиз фойдаланишга топшириш, шунингдек сув объектларининг табиий ҳолатини бузувчи бошқа ҳаракатлар қилиш (МЖтК 72-модда 2-қисм) |
мансабдор шахсларга — 1-3 бараваригача миқдорда жарима |
мансабдор шахсларга — 3-5 бараваригача миқдорда жарима |
|
МЖтКнинг 72-модда биринчи, иккинчи ёки учинчи қисмларида назарда тутилган ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса |
фуқароларга ЭКИҲнинг 1-3 бараваригача, мансабдор шахсларга эса — 3-7 бараваригача миқдорда жарима |
фуқароларга ЭКИҲнинг 5-7 бараваригача, мансабдор шахсларга эса — 7-15 бараваригача миқдорда жарима |
|
Саноат, рўзғор чиқиндилари ва ўзга чиқиндиларни ташиш, жойлаштириш, утиллаштириш, кўмиб ташлаш чоғида табиатни муҳофаза қилиш талабларини бузиш |
фуқароларга ЭКИҲнинг 1/3-1 бараваригача, мансабдор шахсларга эса — 1-3 бараваригача миқдорда жарима |
фуқароларга ЭКИҲнинг 1-3 бараваригача, мансабдор шахсларга эса — 3-5 бараваригача миқдорда жарима |
|
Худди шундай ҳуқуқбузарликлар маъмурий жазо чораси қўлланилгандан кейин бир йил давомида такрор содир этилган бўлса, ёхуд табиий муҳитга зарар етказилса (МЖтК 91-модда) |
фуқароларга ЭКИҲнинг 1-3 бараваригача, мансабдор шахсларга эса — 3-7 бараваригача миқдорда жарима |
фуқароларга ЭКИҲнинг 3-5 бараваригача, мансабдор шахсларга эса — 5-10 бараваригача миқдорда жарима |
Тегишли равишда Маъмурий ҳуқуқбузарликлар тўғрисидаги ишларни кўриб чиқиш ваколатини (Саноатгеоконтехназорат, Экологиядавқўм ва Ергеодезкадастрдавқўм органлари) белгиловчи нормаларнинг юқори чегараси оширилди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
