Вазирлар Маҳкамасининг 27.12.2024 йилдаги 892-сонли қарори билан “Фаол нуронийларни камбағал оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тартиби тўғрисида”ги низом тасдиқланди.
Ҳужжат Президентнинг 25.11.2024 йилдаги ПҚ-405-сонли "Камбағалликдан фаровонлик сари" дастурини амалга оширишга фаол нуронийларни жалб этиш чора-тадбирлари тўғрисида"ги қарорига мувофиқ ишлаб чиқилган.
Ҳурматга сазовор ва катта ҳаётий тажрибага эга бўлган фаол нуронийлар оилаларни камбағалликдан чиқаришга, шунингдек маҳаллаларда соғлом турмуш тарзи ва ижтимоий-маънавий муҳитни шакллантиришга кўмаклашадилар. Бунда уч нафар фахрий беш нафар камбағал оилага бириктирилади.
Ҳужжат билан “Фаол нуронийларни камбағал оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тартиби тўғрисида”ги низом тасдиқланди. Унда қуйидаги тартиблар белгиланган:
● маҳаллалардаги фаол зиёлиларни танлаш ва рағбатлантириш;
● қуйидаги харажатларни қоплаш:
-
- камбағал оилалар фарзандлари учун ўқув жиҳозлари ва қуроллари, спорт кийимлари ва анжомларини харид қилиш;
- фал нуронийларнинг спорт тадбирларида иштирок этиши билан боғлиқ харажатларни.
Ҳар ойнинг 25-санасидан кечиктирмай "Нуроний" жамғармаси томонидан нуронийларнинг пластик карталарига МҲЭКМнинг 50%и миқдорида рағбатлантирувчи тўловлар амалга оширилади.
Камбағал оилалар фарзандларининг таълим олиши учун шароит яратиш мақсадида ҳар бир оилага ўқув жиҳозлари ва воситалари, шунингдек спорт кийимларини харид қилиш учун маблағ (750 минг сўмдан ошмаган миқдорда) ажратиш тўғрисида буюртманома расмийлаштирилади.
Нуронийларнинг вилоят, туман (шаҳар) миқёсида ташкил этиладиган спорт тадбирларида иштирок этиши билан боғлиқ харажатлар ҳам "Нуроний" жамғармаси маблағлари ҳисобидан қопланади, бунда ҳар бир маҳаллага ажратиладиган маблағлар ҳажми йилига 10 млн сўмдан ошмаслиги керак.
Ҳужжат Қонун ҳужжатлари маълумотлари миллий базасида давлат тилида эълон қилинди ва 30.12.2024 йилдан кучга кирди.
Лола Абдуазимова
