Президентнинг 14.10.2024 йилдаги "Стартап-лойиҳалар ва венчур молиялаштириш экотизимини янада ривожлантириш чора-тадбирлари тўғрисида"ги ПҚ-357-сонли қарори қабул қилинди.
Ҳужжат билан қуйидаги талабларга жавоб берадиган Ўзбекистон Республикаси резидентлари бўлган юридик шахсларнинг рақамли стартаплари дастурини амалга ошириш маъқулланди:
- фаолият давомийлиги - 6 ойдан 7 йилгача;
- календарь йилда жами даромад - 10 миллиард сўмдан кўп бўлмаган миқдорда;
- инкубация ёки акселерация дастурлари муваффақиятли якунланганлигини тасдиқловчи ҳужжатларнинг мавжудлиги;
- жадал ривожланиш ва хорижий бозорларга чиқиш салоҳиятига эга рақамли технологияларга асосланган бизнес моделининг мавжудлиги;
- стартап-лойиҳалар экотизимининг платформада рўйхатдан ўтганлиги.
Шунингдек, Дастурга венчур фондлари ва хусусий инвесторлар, шунингдек, стартап лойиҳалар учун инкубация ва акселерация дастурларини ташкил этиш бўйича хизматлар кўрсатувчи тадбиркорлик субъектлари киритилади.
Рақамли технологиялар соҳасидаги стартап лойиҳаларни молиялаштириш мақсадида Дастурга ажратиладиган маблағлар ҳисобидан 10 млн АҚШ долларига тенг миқдордаги устав фондига эга МЧЖ шаклидаги IT-парк ҳузурида Венчур фонди ташкил этилади.
Бунда Дастур иштирокчиларига қўллаб-қувватлашнинг қуйидаги механизмлари татбиқ этилади:
– хорижий венчур фондлари инвестицияларини жалб қилган стартап-лойиҳаларга инвестиция маблағларини ажратиш;
– қуйидагилар билан боғлиқ харажатларни компенсация қилиш:
- 5 йилдан ортиқ вақт давомида амалга оширилаётган ва камида 100 млн АҚШ доллари миқдорида инвестицияларни жалб қилган етакчи халқаро акселерация дастурларида иштирок этиш, шунингдек, Рақамли технологиялар вазирлиги томонидан тасдиқланадиган рўйхатга мувофиқ тадбиркорлик, бизнес ва корпоратив бошқарув бўйича курсларда ушбу харажатларнинг 50%игача, бироқ 20 минг АҚШ доллари эквивалентидан ошмайдиган миқдорда ўқитиш;
- инкубация ва акселерация дастурларини амалга оширувчи тадбиркорлик субъектларига ментор ва тренерларни ушбу харажатларнинг 50 фоизигача, бироқ 50 минг АҚШ долларидан ошмайдиган миқдорда жалб қилиш;
- интеллектуал фаолият натижалари ва савдо белгиларини патентлаш ва рўйхатдан ўтказиш;
– IT-парк ҳузуридаги венчур фонди томонидан гаров таъминотисиз стартап-лойиҳаларга Марказий банкнинг асосий ставкасидан 4 фоиз пунктга юқори ставкада 300 млн сўмгача миқдорда қарз маблағлари ажратилиши;
– стартап-лойиҳаларнинг таъсисчилари (иштирокчилари) ва мутахассисларига ҳам IT-Visa тақдим этиш амалиётини қўллаш.
"Uzvc" миллий венчур фонди венчур фондлари фаолиятини молиялаштириш учун "Фондлар фонди" сифатида қайта ташкил этилади. У қуйидаги масалаларни ҳал қилади:
- инвестиция портфелларини шакллантириш ва уларга маҳаллий ва хорижий инвесторларни жалб қилиш;
- халқаро молия институтлари ва донор ташкилотларнинг грант маблағларини ва биргаликда молиялаштириш механизмларини жалб қилиш;
- ажратилаётган ресурслардан кам бўлмаган миқдорда молиявий ресурслар ажратиш шарти билан ўз молиявий ресурсларини талаб қилиш механизми асосида хорижий ва маҳаллий венчур фондларга ишончли бошқарувга бериш.
Дастурни амалга ошириш ва Рақамли технологиялар соҳасида Венчур жамғармаси фаолиятини ташкил этиш учун Тикланиш ва тараққиёт жамғармаси Рақамли технологиялар вазирлигига 5 йил муддатга 50 млн АҚШ доллари миқдорида фоизсиз кредит ажратади.
Ҳужжат Қонун ҳужжатлари маълумотлари миллий базасида эълон қилинган ва 16.10.2024 йилдан кучга кирди.
Лола Абдуазимова
