Бу Вазирлар Маҳкамасининг 17.04.2019 йилдаги “Қишлоқ хўжалиги, мелиорация ва йўл-қурилиш техникаларидан фойдаланишни такомиллаштириш чора-тадбирлари тўғрисида” 325-сон қарорида назарда тутилган.
Тракторчи-машинистнинг янги гувоҳномаларини, техник паспорт ва техник гувоҳномаларни Тошкент шаҳрида 2019 йил 1 декабрдан, 2020 йил 1 мартдан эса бутун республика бўйича беришни бошлайдилар.
2020 йил 31 декабрга қадар эски ҳужжатлар эгасининг аризасига кўра, мажбурий техник кўрикдан ўтказишда, олди-сотди, рўйхатдан ўтказиш ва чиқариш даврида алмаштирилади. 2021 йил бошидан 2022 йил 31 декабрга қадар алмаштириш мажбурий тартибда амалга оширилади.
Эски намунадаги гувоҳномалар 2023 йил 1 январдан бошлаб ҳақиқий эмас деб ҳисобланади.
Ҳужжат Қонун ҳужжатлари маълумотлари миллий базасида эълон қилинган ва 18.04.2019 йилдан кучга кирди.
