Mirzo Ulugbek Innovation Center aхborot-kommunikatsiya teхnologiyalari sohasiga davlat-хususiy sheriklikni joriy etish bilan shugʻullanadi, deya хabar beriladi markaz saytida.
Xususan, davlat boshqaruvi tizimida qoʻllashga mos tayyor loyihalari boʻlgan rezidentlarga koʻmak beriladi. Qiziqarli va samarali gʻoyalarga ega boʻlgan mahalliy IT-kompaniyalar har doim ham oʻzlarini namoyon etib, davlat organlarining e’tiborini oʻz ishlanmalariga jalb qila olmaydilar. Shu sababli MUIC AKT sohasi vakillari (markaz rezidentlari timsolida) va hokimiyat oʻrtasida muloqotni ta’minlash vazifasini zimmasiga oladi.
Davlat organlari bilan hamkorlik qilishga qiziqish bildirgan rezidentlar yuqori turuvchi hokimiyat organlari hamda vakolatli idoralar vakillari ishtirokida kelgusida muhokama qilinishi uchun oʻz takliflarini 30 sentyabrgacha MUIC direksiyasiga taqdim etishlari lozim. Buning natijasida MUIC rezidentiga FHSh formatida loyihani amalga oshirish uchun eksklyuziv huquqlar taqdim etilishi mumkin.
Loyiha mazmuni, qoʻllash sohalari va alohida afzalliklari bayon etilgan taqdimotlar quyidagi ye-mail orqali qabul qilinadi: s.saidkhodjaeva@muic.uz.
