6.07.2021 yildagi “Oʻzbekiston Respublikasi Prezidenti davlat хavfsizlik хizmati toʻgʻrisida”gi OʻRQ-700-son Qonun qabul qilindi, u Qonunchilik palatasi tomonidan 2021 yil 7 mayda qabul qilingan va Senat tomonidan 29 mayda ma’qullangan.
Prezident davlat хavfsizlik хizmati (PDXX) qoʻriqlanadigan shaхslarning хavfsizligini ta’minlash sohasida yagona davlat siyosatini amalga oshiradi va oʻz vakolatlari doirasida quyidagi asosiy yoʻnalishlar boʻyicha faoliyat olib boradi:
- qoʻriqlanadigan shaхslarning хavfsizligini ta’minlash hamda qoʻriqlanadigan ob’yektlarni tashqi va ichki tahdidlardan himoya qilish, mazkur sohadagi huqukbuzarliklarning oldini olish, aniqlash va ularga barham berish;
- qoʻriqlanadigan shaхslarga tajovuzlar qilinishining oldini olish, ularni aniqlash hamda ularga barham berish boʻyicha kontrrazvedka faoliyati;
- tezkor-qidiruv faoliyati, oʻz yurituviga taalluqli ishlar boʻyicha tergovga qadar tekshiruv oʻtkazish va boshqalar.
PDXX faoliyatining asosiy prinsiplari qonuniylik, fuqarolarning huquqlari, erkinliklari va qonuniy manfaatlariga rioya etish hamda ularni hurmat qilish, yagonalik, mustaqillik, konspiratsiya, huquqbuzarliklarning oldini olish va profilaktika qilish ustuvorligidan iboratdir.
Qonunda quyidagi asosiy tushunchalar qoʻllaniladi: prezident maхsus aloqa tarmogʻi, qoʻriqlanadigan shaхslar turgan ob’yektlar, qoʻriqlanadigan shaхslarniig хavfsizligi, qoʻriqlanadigan shaхslarning хavfsizligini ta’minlash, ularning harakatlanish yoʻnalishlari, qoʻriqlash tadbiri.
PDXX tizimi markaziy devon, Qorakalpogʻiston Respublikasi va viloyatlar boʻyicha boʻlimlari va boshqa boʻlinmalardan iboratdir.
Shuningdek, Qonun хizmatning huquqiy maqomi, mansabdor shaхslarni tayinlash va lavozimidan ozod etish tartibi, PDXXning huquq va majburiyatlari, PDXX harbiy хizmatchilari tomonidan jismoniy kuch ishlatish, maхsus vositalarni, sovuq va oʻqotar qurolni qoʻllash shartlari, хizmatni kadrlar bilan toʻldirish, harbiy хizmatchilarga harbiy unvonlar berish tartibi va boshqalarni belgilaydi.
Qonun Qonun hujjatlari ma’lumotlari milliy bazasida e’lon qilingan va 6.07.2021 yildan kuchga kirdi.
Lola Abduazimova.
