Марказий банк ҚҲТБТ порталида Ўзбекистон Республикаси Марказий банкининг эсдалик пул белгиларини тайёрлаш, сотиш ва қайтариб харид қилиб олиш тартиби тўғрисидаги низомни жойлаштирди.
Ҳужжат “Ўзбекистон Республикаси Марказий банки тўғрисида”ги Қонунга мувофиқ ишлаб чиқилган.
Лойиҳада таъкидланишича, эсдалик пул белгилари - муомаладаги банкнотлар ва тангалар каби Ўзбекистон Республикаси ҳудудида номинал қийматга эга нақд пул шаклидаги қонуний тўлов воситаси бўлади.
Шунингдек, улар номинал қийматидан юқори баҳоланувчи нумизматика, коллекциялаш, инвестиция ва жамғариш объектлари сифатида муомалада бўлиши мумкин.
Лойиҳа ўзгартирилиши, унга қўшимча киритилиши ёки рад этилиши мумкин. 7 мартга қадар уни муҳокама қилишда иштирок этиш мумкин.
.png)
