Вазирлар Маҳкамасининг 24.06.2024 йилдаги “Ҳамжамиятларни мустаҳкамлаш ва ижтимоий фаровонликни ривожлантириш марказини ташкил этиш тўғрисида”ги 350-сон қарори қабул қилинди.
Президент ҳузуридаги Ижтимоий ҳимоя миллий агентлиги ҳамда Колумбия университетининг Ижтимоий иш мактаби (АҚШ) таъсисчилигида Ҳамжамиятларни мустаҳкамлаш ва ижтимоий фаровонликни ривожлантириш маркази ташкил этилмоқда.
Марказнинг асосий вазифалари:
- ижтимоий ҳимоя ва аҳолининг руҳий саломатлиги соҳасидаги муаммоларни тадқиқ этиш ҳамда ҳал қилишга қаратилган таклифлар ишлаб чиқиш;
- ижтимоий иш соҳасида халқаро стандартлар талабларига мос келувчи академик тизимни жорий этиш ва мустаҳкамлаш;
- ижтимоий ҳимоя муаммоларини ҳал этишга қаратилган дастурларни ишлаб чиқиш ва ишга тушириш.
Марказ фаолиятини қўллаб-қувватлаш учун Колумбия университетида тегишли бўлим ташкил этилади.
Бундан ташқари, “Aqlvoy” телеканалига Агентликнинг буюртмасига асосан эфир вақтининг 7 фоиз қисмига ижтимоий роликларни бепул жойлаштириш вазифаси юклатилмоқда.
Ҳужжат Қонун ҳужжатлари маълумотлари миллий базасида эълон қилинган ва 25.06.2024 йилдан кучга кирди.
Собир Нурбердиев
.png)
