Президентнинг 11.06.2018 йилдаги “Рамазон ҳайитини нишонлаш тўғрисида”ги қарори қабул қилинди. Ҳужжат матни ЎзАда жойлаштирилган.
2018 йилда Рамазон ҳайитининг биринчи куни 15 июнь жума кунига тўғри келди. Ушбу сана Ўзбекистон мусулмонлари идораси томонидан Ўзбекистон, Қозоғистон ва Қирғизистон диний идоралари вакиллари учрашуви натижаларига биноан белгиланган. Давлатимиз раҳбарининг қарорига асосан 2018 йил 15-17 июнь кунлари – Рамазон ҳайитининг биринчи 3 куни байрам сифатида кенг нишонланади.
Эслатиб ўтамиз, Рамазон ойи 17 майдан бошланган. Бинобарин, бу йил у 29 кун давом этади. Рамазон ойи тугагандан кейин нишонланадиган “Рамазон ҳайити” (Ийд ал-Фитр)нинг биринчи куни Меҳнат кодексининг 131-моддасига биноан ишланмайдиган кун ҳисобланади.
Самир Латипов.