Вазирлар Маҳкамасининг 24.11.2021 йилдаги “Тошкент шаҳрида Италиянинг Пиза университети филиалини ташкил этиш тўғрисида”ги 710-сон қарори қабул қилинди.
ОТМ геология бўйича юқори малакали мутахассисларни тайёрлайди ва ушбу соҳада тадқиқотлар ўтказади.
Ҳужжат билан қуйидагилар тасдиқланди:
- Филиал васийлик кенгаши таркиби;
- Филиални ташкил этиш бўйича ишчи гуруҳ таркиби.
Филиалда таълим кундузги таълим шаклида ўзбек, инглиз ва рус тилларида тўлов-контракт асосида 2022/2023 ўқув йилидан бошланади. Филиал битирувчиларига Пиза университети дипломи берилади. Қабул параметрлари республикада мутахассисларга бўлган эҳтиёжни инобатга олган ҳолда белгиланади.
2022 йил 1 июнга қадар бино ва иншоотлар, ўқув-лаборатория корпуси ва спорт иншоотлари қурилади, талабалар ва ўқитувчилар турар жойлари тайёрланади.
Ҳужжат Қонун ҳужжатлари маълумотлари миллий базасида эълон қилинган ва 24.11.2021 йилдан кучга кирди.
Лола Абдуазимова.
